Penyakit Zika tu berampit ngagai mensia ari nyamuk
Aedes ianya vector ti sama enggau
penyakit Denggi. Penyakit tu keterunbah ditemu ba menua Brazil. Lalu
diatu benung balat nyadi ba menua Amerika Selatan.
Simptom enggau Tanda
Simptom enggau Tanda penyakit Zika tu sama enggau
penyakit Denggi, ianya:
·
Tabin (Deman)
·
Ruam
·
Pedis Isi enggau buku Tulang
·
Berasai Lembau
·
Pedis Pala
·
Konjunktivis (Mata merah)
Enti nyema kita bisi ngembuan simptom enggau tanda
baka ba atas tu dalam timpuh tujuh ari sepengudah kita bisi nemuai ngagai
menua-menua ti bisi kena rampit penyakit Zika, kita diminta beperesa enggau
pengelengkas ngagai endur fasiliti pengerai (Klinik kesihatan, Poliklinik,
tauka sepital) ti semak enggau kita.
Rawatan
·
Kediatu nadai ubat tauka vaksin kena
nyeliahka penyakit tu
·
Rawatan ti diberi ngagai pesakit semina ngurangka
simptom pesakit
·
Pesakit dilalau:
-
Ngurangka aktiviti luar enggau duduk di
rumah
-
Rehat enggau chukup
-
Ngirup maioh ai
-
Nitihka lalau ari doctor
Chara
nyeliahka
·
Munaska endur nyamuk Aedes besarang
·
Nyeliahka diri ari kena pantang nyamuk
enggau:
-
Bekenaka baju lengan panjai enggau
seluar panjai ti bekaler terang
-
Bekenaka krim Repellent nyamuk (ke muru
nyamuk)
-
Tinduk ba dalam Kibung
-
Nyeliahka diri ngaga aktiviti luar maia
nyamuk Aedes ngigit ( 5 pagi – 7 pagi) enggau (5 lemai – 7 lemai)
Jaku tangkan! Indu ti betubuh bisi ditangkan nangguhka pejalai sida
ngagai menua ti berisiko
No comments:
Post a Comment