Penyakit
denggi tu siti ari penyakit ti dibai virus, lalu berampit ari kena ketup nyamuk
Aedes aegypti ti udah kena rampit.
Bisi empat
(4) bagi virus ti ulih nyadi penyakit denggi (DEN 1, DEN 2, DEN 3, enggau DEN
4).
Kena rampit
siti ari bagi virus deka meri imuniti ba bagi virus nya aja. Nyema bala kitai
ke bisi diau ba kandang pendiau denggi berampit, kitai tau kena penyakit tu
lebih sekali seumur idup.
Bakani jalai aku deka nemu diri bisi
kena penyakit denggi?
Sida ke
sakit deka bisi tanda-tanda enggau symptom sepengudah 5-6 ari kena ketut nyamu,
baka ba baruh tu:
- Tabin
- Pedis pala
- Pedis tulang belakang
- Pedis buku tulang
- Sebingau enggau muntah
- Pedis leka mata
- Ruam (Kulit rangkai enggau merah)
Nama penyadi enti sema kita enda
berubat?
Penyakit
denggi bisi dua (2) bagi, ianya penyakit denggi biasa enggau penyakit denggi
bedarah ti tau mai pemarai.
Penyakit
denggi bedarah bisi ngembuan tanda-tanda baka ba atas tadi, lalu baka ke ba
baruh tu:
- Senang deka lebam
- Bedarah ba baruh kulit, ba idung tauka ba gusi
- Pia mega ulih bedarah ba tubuh lalu ulih mai pemarai.
Bakani jalai nyumanka penyakit denggi?
Datai ka
saritu ndai chara khas ti udah ditemu ulih nyumanka penyakit denggi. Sida ke
sakit ti bisi ngembuan tanda tauka simptom denggi, datai lengkas ngagai palan
berubat ti semak enggau sida. Sida ka sakit deka diberi ubat tabin enggau
dilalau belelak sereta ditangkan ngirup maioh ai. Ti nyema bisi ditemu ngembuan
simptom penyakit denggi bedarah, sida tu deka ditan ba sepital.
Nama pekara ti patut digaga aku kena
nyeliahka penyakit denggi?
Bisi maioh
cahara kena kitai nyeliahka penyakit denggi:
1. Munaska endur sarang nyamuk- Muai sereta meresi utai ke ulih nambun enggau nakung ai
- Tangki ai tauka tong ke dikena nambun ai deka ditutup
- pasu bungai enggai utai ti dikena nambun ai deka diperesi seminggu sekali
3. Chara nyeliahka diri ari ketup nyamuk, baka:
- Semampai nutup jendela enggau pintu
- besapuka ubat kena muru nyamuk (mosquito repellent)
- Seruran bekenaka baju bekaler terang enggau belengan panjai sereta betancut panjai maia keluar ari rumah
- Bekena / betungkunka ubat nyamuk tauka ubat nyamuk elektrik ba rumah
Diambi ari: http://www.infosihat.gov.my
Gambar diambi ari: Google
No comments:
Post a Comment