Pantun Peransang kitai, dikena maia nebang ianya munyi tu:
Aku deka berlagu
Dinga kitai Dayak
Nampung Sengalang
Burung
Tuntung Menaul
Rimba
Tu ga bulan tiga
Jaku kitai kelia
Taun ga udah
lenyau
Anang kitai
telunga
Nebang ga anang
rindang
Ila umai matak
Bai bala menyadi
Sama enggau akak
Mantat ka kitai
jimat
Anang kaki kena
Nebang kitai
ngadang
Punggu ka ningang
pala
Nebang ka kayu
serang
Mantat kayu
bedemba
Kayu ka udah rebah
Dan tau reda
Kayu maioh gelumu
Reda ulih kita
batang bisi
melintang
Ara ka ulih kita
Umai ga nadai
jalai
Gaga baka suba
Nebang ga anang
rindang
Ila umai mata
Tunu ga enda angus
Jera taun suba
Umai ga kitai
angus
Nyamai ga kita
gawa
Umai barang alai
Bukit Tanah Paya
Bukit ka dulu
mimit
Paya dudi gaga
Tu ga naka jaku
Dinga adi, akak
Pulai ga aku u…wai
Kita duduk dia
Badu ga aku endu
Gawa kitai pagila.
Disadaka: Dunging anak Gunggu (1904-1985)
Dikeluarka tiap pagi pukul 6 am, ba WaiFM (RTM), ba bagi Iban.
No comments:
Post a Comment