Bulan September urang putih nya, sebaka enggau bulan 4 kitai
dayak. Maia bulan tu kitai belanggang tauka ngerangkai ka reban.
Nyadi pantun
bulan dikena kitai dayak maia belanggang ka reban, ianya munyi tu:
Aku deka belagu, kita anang memunyi
Nampung Sengalang Burung, ijau burung kanji
Umai balat merah, kayu baru mati
Tebang ga sida Bujang, bala sida lelaki
Umai ga kitai besai, balat lantang ati
Keban ga kitai langgang, tiga puluh ari
Umai ga udah rangkai, kayu lama mati
Tu ga kitai nunu, api balat menyadi
Kemarau ga udu nyampau, panas sepuluh ari
Baru kitai nunu, mintai ukai mimpi
Nunu ga baum manah, anang belat ati
Kitai ngiga pemakai, ila abis mati
Sungai ti panjai, jalai digaga siti
Ulu dulu selup, nanga nya dudi
Nya pengawa ngena, nadai jalai mati
Tu ga naka jaku, ngajat megai api
Pintar getah pera, gawa lantang ati
Gawa ga enda lama, semina setetak ari
Bulih ga duit mimit, kena meli ruti
Bekal gawa nugal, sida lelaki
Kena meli lauk, manuk ga enggau babi
Ti bisi lebih pakai dudi ari
Disadaka: Dunging anak Gunggu (1904-1985)
Dikeluarka tiap pagi pukul 6 am, ba WaiFM (RTM), ba
bagi Iban.
No comments:
Post a Comment