Randau kitai saritu ianya ngenang genteran jaku baka ba
baruh tu:
Kayau Lama ngena ilang ngena duku;
Kayau Baru ngena pemandai ngena penemu.
- Allen Charlie (2007)-
REBAK LAMA (Kayau Lama)
Maia agi kelia, kitai kitai bansa Dayak kelebih agi kitai
Iban tu chukup terbilang pegari nama enggau pengawa ngayau (Kayau). Kitai Iban
ngembuan pemerani ti tau ngasuh bala munsuh takut. Perengka ti kena bekayau
sigi chukup magang Ilang, Nyabur, Terabai, enggau Pengaruh ti deka dikena semua.
Nya kebuah kitai Iban maia nya suba jarang alah laban munsuh,
penyerakup bala kitai Iban maia nya chukup rat. Kitai Iban chukup bebasa enggau
pangan diri, enda ngira Iban ari menua ni. Ketegal pemerani, basa enggau
penyeraup kitai Iban chukup terbilang ba menua pulau Borneo.
Tang diatu kitai Iban ba menua Sarawak tu nyau kurang
penyeraku, basa sereta pemerani. Kitai Iban nyau enda seati, enda segulai
sejalai, enda sepenemu. Kelalu mayuh agenda enggau Ideologi udah ngelimpang ngerusak
runding kitai bansa Iban, kelebih agi kitai Dayak. Kitai bansa Dayak tu bansa majoriti
ba menua Sarawak, nya kebuah bala rebak baru enda tau enda ngembuan pengering
penyakup, basa enggau pemerani ngena jalai sereta peluang ti baru.
REBAK BARU (Kayau Baru)
Diatu jeman Globalisasi, penemu ti baru ditempa kitai. Kitai
rebak baru diatu bekayau ngena pemandai, ngena penemu. Nya meh senyata kitai ti
anembiak baru. Ari ti ngembuan pemandai enggau penemu ti baru kitai ulih mgubah
mentality enggau pengidup kitai bansa Dayak. Bepun ari pemandai, penemu, enggau
pengelandik kitai bansa mega deka dipebasaka bansa bukai. Pemandai enggau
penemu tu utai ti ulih digiga kitai, laban apai indai kitai udah nyekulaka
kitai bepun ari umur kitai 5 – 6 taun (besekula Tadika/Taska), umur 7 - 12 taun
( Primary School 1-6), umur 13 – 17 taun (Secondary School 1-5). Udah nya bisi
mega kita masuk pom 6, lalu bisi nya bulih masuk Kolej / Universiti /
Matrikulasi. Pia mega bisi ngambi Sijil Kemahiran ari maioh institusi ti bisi
ba menua kitai.
Semua nya tadi pemandai enggau penemu ti di ulihka kitai
enggau pemgeliat sereta pengeransing ati kitai. Ti bepun ari pengerindu kitai
ngagai semua nya.
Lalu pengelandik tu utai ka beri petara ngagai kitai. Tiap iku
kitai ngembuan pengelandik ti bebeda diberi petara. Enggau ati ti ransing mega
pengelandik kitai nya tau nyau pemandai engau penemu ti beguna. Ti dikena kitai
ngemansang ka diri.
Ari pemandai, penemu enggau pengelandik ulih pengeliat
sereta pengeransing ati begulai enggau pengerindu kitai bekunsi ka penemu nya. Kitai
bansa deka beserakup sereta sepenemu. Nya kebuah kitai anembiak rebak baru,
anang lembau nempa pemandai enggau penemu ba semua aspek. Laban nya ulih ngubah
pendiau pengidup kitai.
Naka tu rambai penemu dibai aku ka kitai semua kali tu. Semua
leka jaku ti bisi ditu, nadai sangkut paut enggau sapa-sapa. Minta ampun ngagai
bala pemacha ti bisi salah, laban nya ukai sengaja.
No comments:
Post a Comment